Streaming + Download
Includes unlimited streaming via the free Bandcamp app, plus high-quality download in MP3, FLAC and more.
One of the many variations of the murder ballad from Francis J
Child's extensive collection, also known as The Cruel Mother.
A meenister's dochter in the north,
(fine flooers in the Valley)
she's fa'en in love wi' her faither's clerk,
(and the green leaves they grouew rarely)
She's coortit him a year and a day,
till her the young man did betray,
She leaned her back agin a tree,
and there the tear did blin' her e'e.
She leaned her back agin a thorn,
and there twa bonnie boys has she born.
She's ta'en the napkin frae her neck,
and made tae them a winding sheet.
She's ta'en oot her wee penknife,
and quickly twined them o their life.
She's laid them 'neath a marble stane,
thinking tae gang a maiden hame.
She lookit ower her faither's wa',
and she's seen twa bonnie boys at the ba'.
'O bonnie bairns, gin ye were mine,
I would dress ye in the silk sae fine'.
'O cruel mither, when we were thine,
we didna see ocht o silk sae fine'.
'O bonnie bairns, come tell tae me,
whit kind o a daith I'll hae tae dee'.
'Seiven years a fish in the flood,
seiven years a bird in the wood.
Seiven years a tongue tae the warning bell,
seiven years in the caves o hell'.
'Welcome, welcome, fish in the flood,
welcome, welcome, bird in the wood.
Welcome tongue tae the warning bell,
but God keep me frae the caves o hell'.
from Big Like This
released October 15, 2012
Lead Vocal: Corrina Hewat
Backing Vocals: Annie Grace, Ewan Robertson, Calum MacCrimmon
Flugelhorn solo: Ryan Quigley
all rights reserved